Rome-ah Salah a kir dawn

Real Madrid leh Bayern Munich pawh fuh theih a nih laiin Liverpool khingpui tura pawh fuh chu AS Roma an ni. Premier League top scorer nilai Mohamed Salah-a'n a club hlui hmachhawn turin Rome a pan leh dawn tihna a ni. Champions League semifinal first leg hi April 25-26 ah khelh a ni dawn a, May 1-2 hian second leg khelh a ni thung ang.

English club zinga dam awmchhun Liverpool hian harsa lo taka Manchester City an paltlang theih avangin inrintawkna an nei sang. Reds khingpui tur Roma hi Serie A-ah beisei phak lo ni mah se Lionel Messi telna Barcelona lehthal theitu an nih avangin namnul theih an ni dawn lo.

Season hmasa khan Real Madrid chuan quarterfinal-ah Bayern Munich hnehin, Spanish club ropui hian a zawna a vawi hnih nan UCL nomawi an chawi zui. Tun season-ah chuan Bundesliga champion Bayern hi Jupp Heynckes kaihhruaina hnuaia khel an ni tawh a, a boruak a in ang tawh lo ang.