India tan rawlthar duhawm Anish

Kum 15 mi Indian shooter duhawm Anish Bhanwala chuan nimin khan Commonwealth Games 25m rapid fire pistol final-ah 30 score-in gold a la a, CWG neih mekah Indian infiammi gold hlawh chhuak thei naupang ber a ni.

Wrestling lamah pawh India an hmingṭhat chhunzawm zel a, Bajrang Punia chuan mipa freestyle 65kg intihsiaknaah gold medal a la. Hetihlai hian Mausam Khatri chuan freestlye 97 kg-ah silver a la ve bawk. Hmeichhe lamah Pooja Dhanda chuan 57kg freestyle-ah gold beisei mah se silver-ah a lungawi a ṭul a, tleirawl wrestler duhawm Divya Kakran chuan final a luh zawh loh hnuah bronze a la thung.

Table Tennis lamah erawh India-in gold beisei mah se Manika Batra leh Mouma Das chu silver medal-ah an lungawi a ṭul a, women's team lama India-in gold lak nana an lo hman tawh Singapore nula Tainwei Feng leh Mengyu Yu an ngam lo.

Boxing lamah Naman Tanwar chuan bronze a la a, mipa hockey team-in gold an beiseina chu thaibo ni bawkin New Zealand lakah nimin khan 2-3 in an tlawm.

Badminton lama India beiseina PV Sindhu, Saina Nehwal leh mipa lamah H S Prannoy te chuan an khingpui ṭheuh hnehin semifinal an lut bawk.