Aizawl FC an chak lo leh ta

Mizo club Aizawl FC-in AFC Cup-a an season hmasa berah an result duhawm lo an thaibo thei lo - Nilaini zan khan match thum an khelh tawha an vawi thum tlawmna ni turin Abahani Limited Dhaka lakah an tlawm a, Bangladesh club hian 3-0 in hnehna an chang.

Abahani-in goal hmasa ber khung turin hun an duh rei lo. Bangladesh international Rubel Miya chuan minute hnihna lekah goal hmahruai a khung a, Mizoram club an insiamṭhat hmain Nigerian defender Ndukaku Alison (17') leh Japanese midfielder Seiya Kojima (37')-ten goal khat ve ve khung ve lehin hnehna an chang chiang hle.

Aizawl FC tan rin loh takin Andrei Ionescu chu bench-ah dah a ni a, Romanian midfielder hi second half-ah tlan luhtir leh tho ni mah se Bangladesh club-in tlarhnung venhim chauh hna atan an neih tawh avangin Mizo club tan danglamna a thlen thei lo.

AFC tan captain Alfred Jaryan-a'n hun ṭha nei mah se a pet goal ngei tur nia ngaih chuan goal line aṭangin petchhuah a ni a, a hun neih ṭha dang chu goal sirah chiah a kal bawk.

April 25 zanah Aizawl FC hian Bangladesh Premier league-a vawi ruk champion tawh club hi an lenchilh ve leh ang.