Europa League beiseitu Burnley

Premier League club Burn­ley chuan zanin dar 7:30 hian league match-ah Leicester City an mikhual dawn a, hnehna an chang thei a nih chuan Foxes aia point kuaa sang falin Europa League khelh beiseina an nei ang.

Burnley hian Premier League-ah pasarihna dinhmun an luah mek a, an hnuai chiahah Foxes hi an awm. Southampton-in FA Cup semifinal-ah Chelsea an hmachhawn dawn a, Saints hi FA Cup-ah an champion a nih loh chuan Burnley tan Europe-a inlan turin pasarihna nih hi a tawk ang.

Europe-a Burnley an inlan hnuhnung ber chu 1966-67-ah khan niin Inter-Cities Fairs Cup-ah quarterfinal an lut. Burnley boss Sean Dyche chuan, "Kan hmabakah theih­tawp kan chhuah zel ang a, kan match khelh tur azirin kan insiamrem zel ang. Kan hmaa hlawhchhuah theih awm zawng zawng chu hlawhchhuah kan duh a ni," tiin a sawi.

Burnley-in Europe-a an hmel an lan hnuhnun ber lai hian Eng­land chu world champion an ni.