Sindhu inlan dawn lo

Badminton Associa-tion of India (BAI) chuan Thomas and Uber Cup khel tur player a tar chhuak a, hming tarlan zingah Olympic medal vawi hnih dawng tawh PV Sindhu a lang ve lo.

Thomas and Uber Cup hi October 9-17 chhunga khelh tur niin, inelna pakhat zawk Sudirman Cup chu September 26 aṭangin an khel bawk ang - inelna pahnihah hian Sindhu hmel kan hmu ve dawn lo a ni.

BAI general secretary Ajay Singhania chuan, "Kar hmasa khan Sindhu hian BAI hnenah chawlh hahdamna hun a mamawh thu a thlen a, ngun taka ngaihtuah a nih hnuah ka dinhmun hi kan hriatthiamsak.

"Ani awm lo mah se India hian player ṭha tak tak a la neih avangin beisei kan nei sang," a ti. India tan hian Saina Nehwal leh B Sai Praneeth te chu player langsar leh che ṭha tura beisei an ni ang.