F1-ah Whitmarsh a lo kir

McLaren boss hlui Martin Whitmarsh chu Formula 1 huangah a lo kir leh dawn, mahse tun ṭumah chuan McLaren tan ni loin Aston Martin team tan hna a thawk tawh zawk ang.

Kum 63 mi Whitmarsh hian Aston Martin tan chief executive officer nihna a chelh dawn a, Aston Martin F1 CEO leh team principal ni bawk Otmar Szafnauer chuan an mamawh chhanna a nih ngei a rin thu a sawi.

Aston Martin neitu Lawrence Stroll chuan, "Martin hian F1 huangah tawnhriat tam tak a lo nei tawh, kawng hrang hrangin he infiamna hi a lo ti hmasawn tawh. Kan team tan pawh hmasawnna kawng min zawhpui ngei ang," tiin a sawi ve bawk.