Konta a chawl rih dawn

British nula tennis khel thiam Johanna Konta chu a khel bawr hliam a la dam lo a, inelna neih hmabak Chicago Open leh Indian Wells-ah a inlan dawn lo - a hliam vang hian US Open pawh kha a khel thei lo tawh a ni.

Kum 30 mi Konta hian US Open kha khelh ngei a tum, a hming pawh ziah luh fel vek a ni. Mahse, inelna neih dawn thlengin a hliam a dam theih miau loh avangin chawpchilh takin a inhnukdawk ta zawk a, tun thlengin a la inkhel leh ta rih lo a ni.

Tun hnaiah Konta hi a inkhel tam lo, hripui leng vangin Wimbledon pawh kha a khel lo. Inkhel loa a awm laiin tleirawl Emma Raducanu erawhin New York khawpuiah hlawhtlina a lo chang thung.

British bik ranking-ah pawh Raducanu hian Konta khumin number 1 dinhmun a luah, tun season-ah inelna hmabak a la awm nuam avangin kum 18 mi Raducanu hian a ranking pawh a sawhnghet hman viau tura ngaih a ni.