Manuel Neuer an chawimawi

Bavaria minister-president Markus Soder chuan Nilaini khan Manuel Neuer hnenah Bavarian Order of Merit a hlan. Bayern Munich goalkeeper Neuer chuan, "FC Bayern leh kan team hian Bavaria ai kan awh ṭha a, he team zinga ka tel thei hi ka lawm. Bavarian Order of Merit ka dawng hi ka lawm takzet a ni," tiin a sawi.

Kum 35 mi Neuer hian kum 2011 khan Schalke aṭangin Bayern Munich hi a zawm a, club leh ram tan player pawimawh a ni. Minister-president Soder chuan, "Manuel Neuer-a inpekna khelmual pawn leh chhungah a fakawm a, he chawimawina hi a phu a ni," tiin a sawi.

Bavaria hi Germany chhunga 'federated state' lian ber a ni a, hemi chhunga khawpui lian ho chu Munich, Nuremberg leh Augsburg te an ni. Bayern Munich pawh hi Bavarians hming lem pek an ni nghe nghe. German champion lai Bayern hian zanin dar 12:00 hian league-ah kai thar Greuther Furth an hmachhawn ang.