Delhi Capitals awlsam takin an chak

Indian Premier League-ah Delhi Capitals chuan Nilaini zan khan Sunrisers Hyderabad chu wicket riatin an hneh. Dubai International Stadium-a inkhelah hian SRH an bat hmasa a, 134/9 runs chauh an siam avangin Delhi-in over 17.2 lekah 139/2 runs siamin hnehna an chang.

Sunrisers aṭangin Adbul Samah (28) leh Rashid Khan (22) te chauhin 20 runs an vawi kai a, Delhi bowlers Kagiso Radaba (37/3), Anrich Nortje (12/2) leh Axar Patel (21/2) te an che ṭha.

Delhi batsman an che ṭha rual a, Shikhar Dhawan-a'n 42 runs a siam bakah Shreyas Iyer leh Rishabh Pant ten thi loin 47 leh 35 runs te an siam ve bawk. Zanin dar 7:30 hian Royal Challengers Bangalore leh Chennai Super Kings te an inkhel ang.