Black Caps-in Auckland an thleng

New Zealand-in Pakistan nena an inkhel tur an ṭhulh hnuah September 22, Nilaini khan him takin Auckland an thleng. Black Caps squad-ah mi 24 an awm a, Covid-19 vanga inkhuahkhirhna avangin ni 14 chhung khung hran an ni ang.

New Zealand hi Pakistan nen ODI match thum leh T20 match nga khel tur an ni a, amah-erawhchu an ram sorkarin Pakistan rama inkhelh a him tawk loa an hriat avangin an ṭhulh.

Black Caps hian September 19 khan anmahni pual thlawh-theihna hmangin Islamabad aṭangin Dubai an pan a, nimin khan Dubai aṭangin Auckland-ah hian an let leh chiah a ni.