Online Chess inelna nei

Mizoram Chess Association hnuaia online chess tournament hmasa ber 1st Mizoram Online Chess Tournament chu November 7 khan hlawhtling takin neih a ni.

Online tournament hmasa berah hian player 196 zet an tel a, Mizoram hmun tin aṭangin player ṭha an tel kim hle. Inelna atan khawvel pum huap Online Chess game khelhna lar ber pakhat Lichess.org an hmang. 

Online game hi mahni in lum aṭanga hmanraw hrang hrang – Computer/Laptop/Mobile phone hmanga khelh a nih vangin Chess engine/software hmanga inbumna  awm thei hrang hrang te uluk taka software hmanga endik ngai a nih avangin result hi puan nghal theih a ni lo.

1st Mizoram Online Chess Tournament result hi November 14, 2020 hian puan a ni dawn a, pawisa fai Rs 21,700 sem ral a ni ang.