FIFA Futsal World Cup ; Brazil leh Argentina an chak

FIFA Futsal World Cup chu Lithuania-ah khelh chhunzawm a ni a, Brazil leh Argentina bakah Kazakhstan ten Russia leh Morocco te hnungzuiin quarterfinal an lut. Nizan khan last 16 khelh zawh a ni a, champion rinkai zinga mi Spain leh Portugal te inlanin result kan hre hman lo.

Last 16-ah Kazakhstan-in Thailand hneh turin harsatna an tawk lo a, 7-0 ngawtin an chak. Argentina pawhin 6-1 in Paraguay an sawp. Brazil erawhin Japan hneh turin thapui an chhuah a ṭul a, 'New Falcao' hminglem an pek Leozinho chet ṭhat zarah 4-2 in hun tawp dawnah an chak hram.