Australia-in duhsak bik nei dawn lo

Australia prime minister Scott Morrison chuan kumin December thlaa Ashes khelh hunah England cricketer chhungte duhsak bik an nih loh tur thu a sawi.

Ashes hi December 8 aṭanga nakkum January 18 thleng khelh tur a ni a, Test match vawi nga an khel dawn. British prime minister Boris Johnson chuan Australia thuneitute biain player chhungte zin phalsak turin a ngen a, tun dinhmun chuan Australia lamin player chhungte an duhsak bik dawn lo.

Morrison, "Boris nen kan inbia a, Ashes hi kaltlangpui thei ngei ila kan duh. Mahse player chhungte duhsak bik an ni dawn lo. Australia rama zin tur chuan vaccine an la tur a ni a, hemi kawngah hian zirlai an ni emaw thiamna nei bik emaw pawh ni se a danglam lo ang," tiin a sawi.

Australia hian an rama puitling 80%-in Covid-19 vaccine a lak hunah inkhuahkhirhna hi thlah dul an tum a, tunkar chhung hian 50% in an la hman dawn. December 8 a thlen meuh chuan tuna inkhuahkhirhna khauh zawka an kalpui hi an thlah dul thei bawk.