Max-a'n Hamilton thusawi a awih lo

Max Verstappen chuan Formula 1 championship chungchanga Lewis Hamilton thusawi chu a tak a nih loh thu a sawi, driver pahnih hi world champion nih tuma inel lai an nih avangin tlan kawng bakah ṭawngkam thlengin an inbei chho dawn niin a lang.

Mercedes driver Hamilton chuan, "World champion ka nih hmasak ber dawna inelna boruak kha ka la hria, boruak kha a rit duh hle," tiin a elpui Verstappen tan world championship boruak chu rit hle tura a ngaih thu a sawi chhuak.

Britain tlangval thusawi hi chhangin Verstappen chuan, "Ka rilru a hah lutuk a, mut pawh ka mu thei lo, inbeihna hautak leh harsa a ni, tiin ka ngaihtuah an ring a ni mai thei. Mahse, min hrechiangtu chuan ka chiai lo tih an hria ang," a ti.

Hamilton leh Verstappen te hi an in bakkaih fo tawh. Tun season bikah pawh British Grand Prix-ah an intai avangin Red Bull driver zawk hi a tlan chhunzawm ve thei lo - Italian GP-ah khan an pahnih hian an chesual a, an tlan zui thei lo ve ve.

Pathianni zan dar 5:30 hian Sochi Autodrom-ah Russian GP an tlan leh dawn, anni pahnih inel lai bawk hi khawvel hmuh châk a ni.