Suzuki an chungnung

Pathianni zana tlan zawh tak European MotoGP-ah Suzuki team an che ṭha hle, 2017 hnua a vawi khat nan Joan Mir chuan MotoGP huangah pakhatna dinhmun a luah - a teammate Alex Rins chu pahnihnaah a thleng thung.

Spanish rider Mir-a hian pangana aṭangin inelna bul a ṭan, zawi muanga a dinhmun siamṭhain hnehna a chang. Season kal laiah rider chi hrang hrang pakua ngawtin hnehna an chang tawh a ni.

Covid-19 vanga intlansiak pahnih a hmachhawn theih loh hnuah Valentino Rossi a lo kir leh tawh. Yamaha rider hian beisei a phak lo, inelna tlan tluan loin point a hlawh chhuak ve ta lo.