Kimmich a chawl rei dawn

Bayern Munich duhlai Joshua Kimmich chu a khup hliam zai a ni a, kumin chhungin khelmualah a inlan tawh lo ang - nakkum January thla velah a inkhelh leh theih beisei a ni.

Germany international hi Inrinni zana Bayern leh Borussia Dortmund ten Bundesliga an khelh ṭumin a inhliam a, striker Erling Haaland-a'n a tihpalh vang hian minute 36-na lekah an la chhuak.

Kum 25 mi hi Pathianni khan hlawhtling takin an zai nghal a, a chawl tur hi Bayern tan chuan channa lian tak a ni dawn. Germany pawhin Czech Republic, Ukraine leh Spain an hmachhawn hunah an chhawr thei lo ang.