Rafique-a'n East Bengal chhuahsan
East Bengal midfielder Mohammed Rafique chuan season thar atan Kolkata club a chhuahsan a, Mumbai City FC a zawm. Kum 27 mi midfielder hian ISL-ah ATK leh Kerala Blasters tan lo khel tawh mah seseason hmasa khan 2014 aṭanga a khelh ṭanna East Bengal-a cham a thlang a, tunah erawh a chhuahsan ve dawn ta.
Kolkata tlangval hian Prayag United tan 2010-ah khan a professional zinkawng a ṭan a, he hmunah hian kum 2014 thleng chamin hemi kum vek hian East Bengal a pan. Red and Gold tan player rinawm niin EB a pan hnuah I League club dang tan a la khel lo a, season hmasaah pawh khan I League leh ISL an kal rual dawn takah chuan EB-a cham hi a thlang a ni.
Mahse, Khalid Jamil enkawlna hnuaiah India international hian hmun a chang tam tawk lo a, ISL lam hawiin Mumbai City a pan ta. Maharashtra club hian season thar atan Rafique hma hian Milan Singh, Bipin Singh, Subhasish Bose leh Souvik Chakraborty te an lo lalut tawh.