Raducanu leh a coach inṭhen

US Open champion Emma Raducanu leh a coach Andrew Richardson te chuan an thawhdunna an ti tawp. Hlawhtlinna lian an chan hnuah an inṭhen tihna a ni a, tunah chuan chona thar an hmachhawn ang.

New York khawpuiah khan Richardson kaihhruaina hnuaiah Raducanu huan beisei phak baka ṭhain a khel, mahse a coach Richardson hi US Open atan bika rawih kha a ni a, hun rei tak atana inrem an nih loh avangin an inṭhen hi a mak hran lo.

Kum 18 mi Raducanu chuan, "WTA Tour lama tawnhriat ngah min kaihhruai thei tur ka mamawh," tiin a sawi a, coach Richardson hnen aṭang pawhin thil tam tak a zir chhuah thu a sawi ve bawk.

Qualifying paltlanga inlan zingah Raducanu hi Grand Slam champion thei hmasa ber a ni a, tunah chuan world number 22 a nih tawh avangin inelna a hmachhawn hoah pawh seeded a ni phak tawh ang.