Chennai, Delhi leh Punjab an chak

Indian Premier League chu UAE-ah khelh chhunzawm zel a ni. Zirtawpni zan khan Chennai Super Kings (157/4) chuan Royal Challengers Bangalore (156/6) chu wicket rukin an hneh.

Inrinni inkhelah Delhi Capitals (154/6) chuan Rajasthan Royals (121/6) chu 33 runs in an hneh a, hmahruaitu an ni mek. Punjab Kings (125/7) chuan Sunrisers Hyderabad (120/7) chu 5 runs-in an hneh hram bawk.

Zanin dar 7:30 hian Sunrisers Hyderabad leh Rajasthan Royals te an inkhel ang. IPL-ah hian team riat an tel a, Hyderabad hian match kuaah point hnih chauh an hmuh avangin playoff lut turin beisei an nei tawh lo.

Table-a sang pahnih hian qualifier 1 an khel dawn a, heta chak zawk hian final a lut nghal ang. Pathumna leh palina ten eliminator an khel ang a, heta chak zawk hian qualifier 1-a chak lo zawk nen final khel tur an zawng leh bawk dawn a ni.