MFA tan AFC Futsal ball 200

All India Football Federation kaltlangin Mizoram Football Association chuan Asia rama football thuneitu sang ber Asian Football Confederation (AFC) hnen aṭangin nimin khan futsal ball 200 a dawng.

AFC-in India rama futsal hmasawnna tur a kalpui mekah AIFF chu kawng hrang hrangin a ṭanpui a, nikum lam khan Futsal match official workshop, state development workshop leh coaching course hrang hrang a buatsaih. Tun hnaiah AIFF hnenah Futsal ball eng emaw zat a thawn thleng a, MFA hnenah futsal ball 200 hi tun hnai khan an hlan a ni.

MFA Futsal Committee chuan tun season chhungin Futsal inelna hrang hrang kalpui turin hmachhawp a la nei zel a, May-ah hian Division One Season Ending Tournament, MFA Futsal Cup (open) leh khelmual remchan dan a zirin kum naupang zawkte tan inelna a buatsaih ang.