KKR-in Delhi an sawp

Kolkata Knight Riders-in Sunrisers Hyderabad an ngam loh hnua an match hmasa berah Delhi Daredevils an sawp nghal a, run 71-in an chak.

Eden Gardens, Kolkata-a inkhelah KKR an bat hmasa zawk a, over 20-ah run 200 siamin wicket kua an hloh. Kolkata club tan run siam hnem ber Nitish Rana chuan run 59 a hlap chhuak a, Andre Russell (41 runs) leh Robin Uthappa (35) ten an thlawp ṭha viau bawk.

Delhi tan batsman ding chhuak hmasa pathum Gautam Gambhir (8 runs), Jason Roy (1) leh Shreyas Iyer (4) te hma takah an out a, Rishabh Pant (43) leh Glenn Maxwell (47) ten beiseina thar rawn siam mah se batsman pahnih an out hnuah Delhi tan ding thei an awm tawh lo.

Over 14.2-ah an out vek a, run 129 chiah tlinin run 71-in an tlawm ta a ni.