Nadal-a'n Federer a kap

World number 1 Rafael Nadal chuan a elpui ber ni ṭhin Roger Federer chu ṭawngkam awmze nei takin a kap. Swiss star chu clay court-a amah hmachhawn ngam loah a puh.

Season hmasa khan Federer hi clay court-ah a inkhel miah lo a, grass-ah inlan leh chiahin Wimbledon title a la thei. Tun season-ah pawh nikum lama a tih ang bawkin tih leh a tum mek, inelna ngaihhlut pakhat French Open chhiar telin clay court-a tournament khelh tur zawngah inlan a tum lo.

Grand Slam vawi 16 cham­pion tawh Nadal chuan, "A hma kha chuan clay-ah best of five set khelh dun a chak thu a sawi, a hnu lawkah a inkhelh loh tur thu a sawi leh si," tiin hliam vang pawh ni lo, kum tam tawh vanga chawlh la Federer a kap.

Kum 36 mi Federer hi a kum a tam deuh tawh avangin inelna zawng zawngah a inlan vek thei tawh lo, a vanglai pawha Nadal a hneh hleih theih lohna clay court-a a inlan lo hi thutlukna fing tak niin a lang thung.