NBA Playoff ; Rondo hoin Pelicans an chak

Rajon Pierre Rondo-a'n Boston Celtic kawr hain khawvel hriatah a rawn invawrh a, kum 2008 khan Celtic chu a champion pui a, All Star Team-ah vawi li a lang bawk.

Kum 32 mi hian 2014-ah Celtic chhuahsanin hemi hnu hian Dallas Mavericks, Sacramento Kings leh Chicago Bulls tan a khel a, nikum khan New Orleans Pelicans hi a zawm. Western Conference-ah Pelicans hi regular season-ah parukna an ni a, an chunga awm Portland Trail Blazers chu chak zawk tura rin a ni.

Amaherawhchu, inkhel inhnehtawkah Pelicans-in game 1 an la tawh a, game 2-ah pawh Jrue Holiday (33 pts, 9 asst), Anthony Davis (22 pts, 13 rb) leh Rajon Rondo (16 pts, 10 rb, 9 asst) te chet ṭhat zarah Trail Blazers chu 111-102 in an hneh nawn a, kum 32 mi Rondon a hmuhnawm hle.