India aiawh tur Jacob leh Jeremy

April 20-30 chhung hian Asian Youth Olympic Qualification Championship neih a ni dawn a, India aiawh turin Mizo naupang ritchawi chak Jeremy Lalrinnunga leh Jacob Vanlaltluanga te an inlan dawn.

Inelna hi Urgench, Uzbekistan-ah neih tur niin, a ti ṭhate chu kumin October thlaa neih tur Youth Olympic Games-ah an inlan thei dawn a ni. Govt. Complex rawlthar Jeremy-a hi 56kg huangah a inlan dawn a, Jacob-a hi 62kg-ah a inlan thung ang.

Tun inelna bakah Jeremy Lalrinnunga hi Asian Junior Weightlifting Championship-ah a inlan dawn bawk a, senior huangah la inlan lo mah se India Weightlifting Federeation lamin amahah beiseina an neihsan avangin August thlaa neih tur 2018 Asian Games hmachhawn tura inbuatsaih India camp-ah an ko bawk a ni.