PSG chakna Mbappe

Paris St-Germain chuan tun season chhunga nomawi pathum chawi an tumna chu an chhawm nung zel. Nilaini zan khan PSG hian Kylian Mbappe goal hnih hmangin Caen chu 3-1 in an hneh a, a zawna a vawi li nan French Cup final an khel dawn.

Tun hnai season thum chhunga French Cup champion ni vek thei PSG tan Mbappe-a'n striker

Edinson Cavani siamsak chu an goal hmahruai ni turin a khung. Chawlhlawk hma hretin Caen lamin Ismael Diomande hmangin an si phurh an sut.

Amaherawhchu, Unai Emery naute hian minute 81-naah Mbappe hmang bawkin a vawi hnih nan hma an hruai a, hun tawp dawnah Diomande chu hnawhchhuah niin, hun tawp hma chiahin Christopher Nkunku-a'n an chak nemnghehna a khung bawk.

France international Mabppe-a'n season hmasa lamah AS Monaco tan league nomawi a chawi tawh a, tun season-ah Paris club tan inelna hrang hrangah goal 21 khung tawhin nomawi pathumna tur an beisei mek.

PSG hian Ligue 1 leh League Cup an chawi tawh a, French Cup hi an chawi leh a nih chuan tun hnai season ruk chhunga nomawi 14 an chawina tur chiah a ni ang. May 8-ah third division club Les Herbiers nen nomawi an inchuh dawn a ni.