Osaka a lo kir leh hnai mai thei

Tennis court-ah ni loin a pawn lamah Naomi Osaka chuan chanchin a nei deuh reng mai. Japanese star hian rilru lam harsatna a nei a, tun season atan chawlh rih a tum thu a sawi hnu lawkah a lo kir leh hnai mai thei tih a sawi.

Grand Slam vawi li champion tawh hi French Open khelh lai aṭangin a inhnukdawk a, Wimbledon a khel lo zui. Tokyo Olympic a khel a, US Open kha khel zui leh mah se third round a paltlang zo lo.

Kum 23 mi Osaka chuan, "Ka chak emaw chak lo emaw pawh ni se, a rang thei anga ka inkhelh leh chu a ngai. Result chu engpawh ni se a pawimawh ber zawk chu inkhelh a ni," tiin a sawi a, a inkhel leh ngei dawn.

Tennis season kal laiah Grand Slam pali an khel zo tawh, season tawp hma inelna an neih tur zingah WTA Finals chu tournament lian leh langsar a ni ang.