Charity Match a hlawhtling

Mizo Professional Footballer Association leh Hnahthial XI ten HBSC Ground 1, Hnahthial-ah friendly match an khel a, MPFA-in 2-0 in hnehna an chang.

Nimin tlaia inkhelah hian MPFA tan Jeje Lalpekhlua leh Lalrindika Ralte-in goal an khung.

MPFA tan hian ISL champion Chennaiyin puitu Jeje Lalpekhlua leh Jerry Lalrinzuala, ISL emerging player of the season Lalruatthara (Kerela Blasters), Delhi Dynamos forward Lallianzuala Chhangte leh season thara ATK zawm tur Sena Ralte, Jamshedpur forward Jerry Mawihmingthanga, Pune City midfielder Isaac Vanmalsawma, NE United player pahnih Lalrindika Ralte leh Lalrempuia Fanai bakah MPL6-a Chhinga Veng champion puitu captain Lalrinchhana Tochhawng leh Chanmari West forward Lalnunmawia te chu inlan zinga langsar an ni.

Hnahthial-in tunhnaiah Mizo player ṭha thahnem tak an chherchhuak a, MPFA tana inlan zingah pawh Jeje-a, season thara Chennaiyin zawm tur Isaac leh MPL-a inlan tawh keeper LK Lalhmangaihzuala (Lalmama) te chu Hnahthial chhul chhuak an ni.

Hnahthial Zone FA buatsaih Charity Match en tur hian HBSC Ground 1 khat tlat mipui an pungkhawm a, heta sum hmuh hi Hmangaihna Home tanpui nan an hmang a, tukin zing hian Jeje-a'n home hi a hawng ang.