Kings XI 'Lalna' Gayle-a century

Kings XI Punjab chuan Ningani zan khan Indian Premier League inkhelah run 15-in Sunrisers Hyderabad an hneh a, Chris Gayle chuan century a vaw chhuak.

West Indies batsman hian ball 63 lek a hmachhawnah run 104 a vaw chhuak a, a ṭhian dangte zingah Karun Nair (31 runs) chiah run 30 vaw kai thei awm mah se a mimal thawh ṭhat zarah target pangngai tak an tuk.

Punjab hian over 20-ah run 193 an siam a, wicket thum chiah an hloh - Sun­risers tan zuam ngawt chi target a ni lo.

Sunrisers-in khualmualah chak ngei tum mah se opener Wriddhiman Saha chu run ruk chiah siamin a out a, Shikhar Dhawan phei chuan run pawh a siam lo.

Captain Kane Williamson (54 runs) leh Manish Pandey (57, not out) ten pang­ngai takin rawn bat mah se over 20-ah run 178 chiah an tlin thei a, wic­ket li hloh chungin an tlawm ta a ni.