Amir Khan a lo kir

British boxer Amir Khan-a'n kum hnih hnua ring chhung a rah leh hmasak berah hnehna chang turin second 40 bak hun a mamawh lo. Khan hian Canadian boxer Phil Lo Greco chu second 40 chhung lekin a knockout a, a boxer hneh hi WBC International Welterweight champion hlui a nih avangin a hnathawh hi a ropui hle.

Kum 31 mi boxer chuan, "Ka zam ve deuh a, mahse a ṭha thei ang berin ka rawn kir a ni. Kuminah emaw nakkumah world champion nih lehnghal ka duh. Ring pawnah kum hnih chhung ngawt hun ka hmang a, mahse gym lamah theihtawp ka chhuah chhunzawm zel a, engmah lo maia lo kir ka ni lo," a ti.

Khan hian Las Vegas khawpuiah Saul 'Canelo' Alvarez chu 2016 khan a hneh lo a, Le Greco hi hemi hnua a hmachhawn leh hmasak ber a ni. Saul hi a thisenah damdawi hman phal loh hmuh a nih avangin tun hnai khan thla ruk chhung atan hrem a ni a, hrem a nihna hi 'backdate' a nih avangin August 17-ah a inhnek leh thei tawh dawn thung.

Amir Khan hian an inhnek entu Kell Brook cho nghalin, "Brook hmachhawn turin ka hmanhmawh lo a, ka tlanchhia tihna erawh a ni chuang lo. Kell Brook hi ka hmachhawn ang a, ka hneh bawk ang. He boxer hian ka hming a hliahkhuh rei ta," tiin a chawlh chhunga Brook lo lar hman chu tukdawl a tum thu a sawi.