Zverev hnehtu Nishikori

Tennis player chhuak thar zinga beiseiawm tak Alexander Zverev tan sea­son duhawm a la inṭan hlei thei lo. Inrinni zan khan German rawlthar hi Kei Nishikori lakah chak loin Monte Carlo Masters semifinal-ah a zinkawng a tawp.

Japan tlangval Nishi­kori hian 3-6, 6-3, 6-4 in hnehna a chang a, nizan khan world number 1 Rafel Nadal nen nomawi an inchuh zui leh a, he thu buatsaih lai hian result kan hre hman lo.

Semifinal hmasa zawkah Nadal-a'n Grigor Dimitrov 6-4, 6-1 in a hneh a, Spain tlangval hian Monte Carlo-ah hian vawi 12 zet final a luhna a ni tawh. A champion a nih chuan a nomawi 11-na a ni chiah bawk ang.