Hall of fame-ah Raducanu

Emma Raducanu-i'n US Open nomawi a chawi ṭuma a thuamhnaw hak chu Tennis Hall of Fame-ah a pe a, sulhnu ropui a hnutchhiah ṭuma a inbel hi ṭhangthar zel ten an la hmuh tura vawn ṭhat a ni ang.

New York khawpuia tennis inelna lianah khan Raducanu hi qualifier paltlangin a inlan, major tournament-ah qualifier paltlanga inlan zinga champion thei hmasa ber a ni hial a, khawvel a barakhaih a nih kha.

US Open khelh hmaa world number 150 kha tunah chuan number 22 a ni tawh a, kum 18 mi chauh a la nih avangin sulhnu ṭha leh chhinchhiah tlak a la hnutchhiah zelin a rinawm.