Cincinnati-in Jaap Stam an ban

Major League Soccer club FC Cincinnati chuan Manchester United legend Jaap Stam chu an coach aṭangin an ban a, an match hnuhnung pasarihah vawi ruk an tlawm!

Kum 49 mi Stam hian May 2020 khan thla 18 chhung enkawl turin Cincinnati hi a zawm a, mahse, an result avangin a contract zawh hmain an inṭhen leh dawn ta si a ni.

MLS club Cincinnati chuan club tana ṭha ber tur ngaihtuah chunga thutlukna siam an nih thu an sawi a, Stam bakah hian a assistant coach pahnih Said Bakkati leh Yoann Damet te pawh an bang ve bawk.

Cincinnati chuan, "Tum sang tak nei club kan ni a, kan thiltumte tihhlawhtlin ngei kan duh a, chung zingah chuan champion khawpuia Cincinnati siam hi kan ngaih pawimawh hmasak a ni.

"Jaap-a chungah a hnathawh avangin lawmthu kan sawi a, a chhungte bulah a kal theih dawn tak avangin duhsakna sang ber kan hlan a ni," tiin an coach hi an thlah.

Stam hian kum 2016-2018 inkar khan English club Reading a lo enkawl tawh bawk a, a hmun ruak hi Jamaica international hlui Tyrone Marshall chuan a luah lailawk ang.