Hyderabad-in Rajasthan an hneh

Indian Premier League-ah table mawngphaha awm Sunrisers Hyderabad chuan Thawhṭanni zan khan Rajasthan Royals chu wicket sarihin an hneh.

Dubai International Stadium-ah Rajasthan Royals-in bat hmasak an thlang. Sanju Samson-a'n ball 57 lekah 82 runs a siam a, Yashasvi Jaiswal (36) leh Mahipal Lomror (29*) ten siam chhe lo mah se over 20-ah 164/5 an siam.

Sunrisers opener Jason Roy-a'n 60 runs a siam a, team captain Kane Williamson-a'n thi loin 51 runs siam bawkin over 18.3 lekah 167/3 runs siamin hnehna an chang.

Zanin dar 7:30 hian Rajasthan Royals an inlan lehnghal dawn a, Dubai International Stadium-ah Royal Challengers Bangalore an hmachhawn ang.