Sudirman Cup-ah India an tla

Badminton-a ram leh ram inelna Sudirman Cup-ah India chuan September 27 khan China 5-0 a an hneh loh avangin quarterfinal luh beiseina an nei tawh lo.

Mixed doubles-ah India aiawha tel MR Arjun leh Dhruv Kapila te chuan Liu Cheng leh Zhou Hao Dong chu 22-20, 21-17 in an hneh lo nghal. Hmeichhia leh mipa singles-ah Aditi Bhat leh Sai Praneeth te an chak zo lo.

Women's doubles-ah Ashwini Ponnappa leh Reddy N. Sikki ten LI Wen Mei leh Zheng Yu te inkawp an hneh lo. Match tawp berah mixed doubles khelh niin Kidambi Srikanth leh Rutaparna Panda ten Feng Yan Zhe leh Du Yue te inkawp lakah an tlawm. India hi straight set vekin an chak lo.

India hi group A-ah China, Thailand leh Finland nen an awm a, vawiin hian match hnuhnung berah Finland a hmachhawn ang.

Group A aṭangin match hniha vawi hnih chak China leh Thailand te an lut dawn a, vawiin hian group hmahruaitu tur an zawng dawn a ni.