Group hriatthiam har group G

Kumin Champions League-ah group G-in ngaihven hlawh hran lo mah se Sevilla, Wolsburg, Lille leh RB Salzburg te hi an intluk tawk avangin knockout stage lut tur hriatthiam a har hle.

Zanin dar 12:30 hian Wolfsburg-in Sevilla an mikhual ang a, RB Salzburg-in French champion Lille an mikhual ve bawk ang. Team pali hian match hmasa berah point khat ṭheuh a hlawh chhuak.

RB Salzburg hi Austrian Bundesliga champion an ni a, hmabak nei êng player an kawl avangin rinhlawh lo taka knockout stage thleng thei a ni.

Tlarhmaa awm Karim Adeyemi hian league match kua lek aṭangin goal sarih a khung a, kum 19 mi forward hi Germany tan September thla khan koh niin ram tana a inlan hmasak berah Armenia lamah goal a khung. Zanina Lille nena an inkhel turah pawh Adeyemi hi en bik a sual lo ang.