AIFF hnuaiah Mizo Match Commissioner pahnih an tling

29th September, 2021

All India Football Federation (AIFF) chuan football ṭha zawka kalpui theih nan match commissioner neihsa te thlitfim nan September 4-5, 2021 khan seminar a neihpui a, exam nei nghalin Mizo match commissioner pahnih Lalrawngbawla leh R. Malsawma (Asawma) te an tling.

Lalrawngbawla hi Bungkawna cheng a ni a, Mizo zinga AIFF hnuaia match commissioner hmasa ber a ni. R. Malsawma hi Chanmari-ah a cheng a, Kolkata-a neih mek Durand Cup-ah hian match commissioner-ah a ṭang.

India ramah hian MC 80 bawr vel awm ṭhin aṭangin 52-ah thlitfim a ni a, hmarchhak state aṭangin mi pathum chauh an awm. Mizo pahnih pakhatah hian Manipur mi Haobam Khamba Singh chu a inziak tling a ni.