Liverpool legend Hunt a thi

Liverpool leh England striker hlui Roger Hunt chu nimin khan kum 83 mi niin a thi.

Reds ṭantuten 'Sir Roger' tiha an koh hi 'Liverpool legend' a ni a, league match-a goal 244 a khung chu tun thlengin record a la ni. English stiker hian 1996 World Cup-a England an champion khan match ruk khelin goal thum a khung.

Hunt hian Liverpool hi second division aṭangin first divison-ah a kaipui a, league nomawi vawi hnih a chawipui bakah FA Cup vawi khat a champion pui bawk. Liverpool-a football career ṭantu Hunt hian Bolton Wanderers-ah a hun tawp a hmang.

Liverpool manager Jurgen Klopp chuan, "Liverpool chanchin kan sawi a nih chuan Hunt hi tu hnungah mah dah a rem lo a, chu chuan a pawimawh zia chu a tichiang. Shankly team-a goal khung khawl hi Reds-in tun dinhmun a thlen theihna hun a ni," tiin a fak hle.

Hunt hi World Cup-a England champion puitu manager Alf Ramsey leh player ṭhenkhat angin knighthood pek ni lo mah se Liverpool ṭantu tan chuan 'Sir Roger' a ni kumkhua tawh ang.