India tan Jeho-a'n medal pahnih la

South Asian Federation Hopes, Cadet & Junior Table Tennis Championship 2018 khelh zawh takah, Mizo naupang Jeho Himnakulhpuingheta chuan gold leh silver medal a vaw chhuak.

Maldives-a neih inelnaah Jeho-a telna India team-in gold an dawng a, India number 1 Jeho-a hian singles-ah final a lut bawk. Nomawi inchuhna inkhelah Sri Lanka naupang Dev Shroff nen an intawng a, chak ngei tura ngaih niin 9-2 ngawtin hma a hruai fal hman.

Amaherawhchu, a zawna India number 1 ni chunga season khar thei Jeho-a'n beisei angin a khel zui thei lo, set hlohin 3-2 in a chak lo zawkah a ṭang a, silver medal-ah a lungawi a ṭul.

Lunglei naupang Jeho-a hian nimin khan Aizawl a rawn thleng. May 9 a neih tur Thailand Open 2018-ah a inlan zui leh dawn a, inbuatsiahna nei turin May 1 aṭangin Patiala-ah India camp a zawm lehnghal ang.

Jeho-a chuan, "Exam zo hlim kan ni a, duhthusama ṭhain inbuatsaihna kan nei tawk lo. Hmahruai tawh hnua inpawhthlak tir kha chu inrintawkna ka neih tam tawk loh vang a ni," tiin Vanglaini a hrilh.