Barcelona lamah Rafael Nadal inlan dawn

Monte Carlo Masters nomawi chawi hlim Rafael Nadal chu Barcelona Open-ah a inlan zui nghal dawn. Spain tlangval hi first round-ah bye tir a ni a, a match hmasa ber atan Andreas Haider-Maurer leh Roberto Carnalles Baena te inkhela chak zawk a hmachhawn ang.

Seeded pakhatna Nadal hian season hmasa khan Dominic Thiem hnehin a vawi 10 nan nomawi a chawi a, inelna hi clay court-a neih a nih miau avangin kuminah pawh rinkai ber a ni leh ang.

Grand Slam vawi 16 champion tawh Nadal hian a vawi 10 nan French Open champion nih a tum chho mek a, clay court inelna liana sulhnu nei ṭha ber hian record a neih sa siam belh turin inbuatsaihna a nei mek a ni.