Lewis Hamilton-a'n beisei a nei

Formula 1 world cham­pion ni lai Lewis Hamilton-a'n tun season chhungin hnehna a la chang ve lo a, tun kartawpa tlan tur Azerbaijan Grand Prix-ah hnehna chan ve theih tawh a inbeisei thu a sawi.

Kuminah intlansiak pathum a awm tawh a, Mercedes driver hi pa­hnihna, pathumna leh palina a ni tawh. Hamilton tan hna a awlsam dawn lo, Baku hi a tan hmun ṭha a ni hran lo, season hmasa khan panganaah thlengin podium pawh a lawn phak lo a ni.

World champion vawi li ni tawh Hamilton chuan, "Engtiklai pawh hian hmasawn zel ka duh a, Mercedes car khalh chunga hma lam pan zel hi ka duhthusam leh suangtuahna pawh a ni," tiin a sawi.

Tun season chhungin For­mula intlansiak vawi 21 a awm dawn a, hmabak 18 an la nei tihna a ni. Hamilton hian point 45 hmuin driver championship-ah pahnihna a ni mek a, hmahruaitu Sebastian Vettel chu point riatin a phak lo mek.