Sena Ralte-in ATK a zawm

Season hman zawh taka Delhi Dynamos tana khel Lalhmangaihsanga Ralte chuan ATK a zawm a, Sena Ralte tia hriat lar defender hian season tharah chuan Kolkata club tan a khel dawn.

North Mualcheng tlangval hian Indian football-ah tawnhriat a ngah tawh a, ATK a zawm hma hian ISL lamah Mumbai City FC leh Chennaiyin FC tan a lo khel tawh a, I League lamah Royal Wahingdoh, DSK Shivajians leh Bengaluru FC tan a khel tawh bawk.

Beisei anga season hmang lo ATK hian player thar an lalut nual tawh a, Sena hma hian Durtlang tlangval Ricky Lallawmawma, Bengaluru defender rinrawl John Johnson, East Bengal captain Arnab Mondal, Nigerian striker Kalu Uche leh Mohun Bagan midfielder Sheikh Faiaz an lalut tawh.