Mumbai Indians an tlawm leh ta

Indian Premier League-ah Mumbai Indians an chak hleithei lo - match ruk an khelh tawha an vawi nga tlawmna ni turin Thawhlehni zan khan Sunrisers Hyderabad chu run 31-in an ngam lo.

Mumbai khawpuia inkhelah hian Sunrisers Hyderabad an bat hmasa zawk a, over 18.4-ah run 118 chiah siama an out avangin mualneitu team an chak ngei dawn niin a lang.

Sunrisers tana run siam hnem ber Kane Williamson leh Yusuf Pathan te pawhin run 29 ve ve bak an tlin lo a, Mumbai tan chak harsatna tur niin a lang lo.

Mumbai Indians-in bul an ṭan ṭha a, opener Suryakumar Yadav chuan run 34 a rawn siam nghal. Mahse, beisei loh lam aṭangin thil a thleng - Hyderabd tan Siddarth Kaul (3 wickets), Rashid Khan (2) leh Basil Thampi (2) ten an thiamthil rawn 'show' in Mumbai batsman an out phuk phuk.

Over 18.5-ah Mumbai In­dians batsman an out vek a, run 87 bak an tlin lo.