Futsal-ah champion lai tla nghal

MFA hnuaia Futsal Division One Season Ending Tournament chu nimin aṭang khan Lammualah khelh ṭan a ni a, inelna hnuhnung bera champion Zonuam FC chu an tla nghal.

Cici Store FC, Dinthar chuan match hmasa berah Young Gunners FC 10-5 a an hneh hnuin match hnihnaah champion lai Zonuam FC chu barakhaih chhunzawmin 5-2 in an hneh. Inelna hmasa finalist IDBI Capital erawhin Chronicles, Hunthar 6-0 in an sawp a, champion rinkai an ni a. Muthi FC hnehtu Mizo player ṭha tamna Paul FC pawh nomawi chawi thei tura rinkai zingah an tel pha ang.

Vawiin hian Lammualah quarterfinal leh semifinal khelh a ni ang a, final hi naktuk tlai dar 2:30-ah khelh tur ang. Inelnaah hian Asian Football Confederation aṭanga dawn futsal ball hman a ni.