Blasters-ah CK Vineeth cham dawn

CK Vineeth chuan Kerala Blasters a chhuahsan dawn nia sawi awm mah se Indian striker hian Kerala club-a cham chhunzawm a thlang a, ISL club dang a pan dawn lo.

Season hmasa ṭan dawn khan CK Vineeth hian Blasters tan kum hnih daih contract a ziak a, match 14 a khelhah goal li chiah a khung. Season khata nuai 100 hlawh mek striker hian beisei a phak loh avangin a contract hmang zo loin club dang a pan dawn niin an sawi.

Amaherawhchu, coach David James nen inbiakna an neih hnuah CK Vineeth hian cham chhunzawm a thlang ta zawk a, 'Kerala Golden Boy' tih hiala hminglem an pek hian a seilenna state club tan a khelh chhunzawm dawn ta a ni.