Giannis-a'n a lo duhtawk lo

Giannis Anteto-kounmpo chuan NBA champion vawi khat nih ringawt chu a duhtawk lo a, hlawhtlinna dang chan belh chaka a la tuihal reng thu a sawi chhuak - season tharah thapui a thawh leh dawn.

Season hmasa khan Giannis hian Milwaukee Bucks chu NBA champion a nih pui, mimal chawimawina NBA Most Valuable Player pawh vawi hnih dawng tawh hi season tharah pawh Bucks innghahna a ni leh ang.

Kum 26 mi Giannis chuan, "Kan duh tawk mai ang maw? hnai lo e. A bul kan ṭanna chauh a ni a, team nghet leh ṭha tak kan indin tawh avangin nomawi dang pawh kan beisei tur a ni ang," tiin a sawi.

Greek tlangval hi a khup vei lam a hliam a, dam tawh mah se duhthusam erawh a la ni lo. Giannis chuan, "Ka dinhmun a ṭha, chutih rualin ka taksa tlin tawka inkhelh ka thiam a la ngai," tiin indim a mamawh thu a sawi bawk.