Maguire leh Arnold te an inhliam

Manchester United captain Harry Maguire leh Liverpool defender Trent Alexander-Arnold te chu inhliam vangin England-in World Cup qualifier-a Andorra leh Hungary te an hmachhawn hunah an tel thei dawn lo.

Ole Gunnar Solskjaer chuan Maguire hi Aston Villa an hneh loh ṭuma a chawn hliam vangin chawlh rih a mamawh tur thu a sawi. Alexander-Arnold pawh hi ṭhal hliam vangin Champions League-a Liverpool-in Porto 5-1 a an sawp ṭumin a zin ve lo.

Jurgen Klopp chuan, "Alexander-Arnold inhliamna hi tihrawl a ni a, tihrawl chu awlsam takin a dam thei lo. Chuvangin kartawpa Manchester City hmachhawn hunah a inlan dawn lo a, international break zawhah a dinhmun a hriat ang," tiin a sawi.

Gareth Southgate-a kaihhruai England hian World Cup khel tur zawnnaah match ruk khelh tawh aṭangin point 16 an hmu a, group I hmahruaitu niin inelna liana inpettling turin an dinhmun a ṭha tawh hle.