Kerber leh Muguruza inhliam

Stuttgart Open khelh mekah player langsar pahnih Angelique Kerber leh Garbine Muguruza te chuan hliam an tuar a, inkhel tlang thei loin an inhnukdawk.

Ningani zan inkhelah khawtual nula Kerber leh Anett Kontaveit te an intawng a, Grand Slam vawi hnih champion tawh Kerber hi 6-0, 2-0 in a hnufual hman a, a malpui na vangin a chawlh a ngai a, a zinkawng a tawp.

World number 1 hlui Kerber chuan, "Ka tan ni ṭha lo tak a ni, zing aṭangin na ka nei neuh neuh a, court chhungah ka chevel a fuh loin ka ball vuak pawh a dik thei lo. Hliam nei chunga khelh zui ai chuan inelna dang hmachhawn thei tura rilru siam kha a dik zawk," tiin a sawi.

Wimbledon cham­pion Muguruza pawh­in set hmasa ber chu 7-5 in Anastasia Pavlyu­chenkova lakah a hloh a, Spain nula hi Russia nula lakah a inlan zui thei lo. Ningani hian match sarih khelh a ni a, heng zinga pathumah player ten hliam an tuar, Kerber leh Muguruza bakah hian Elina Svitolina pawh malpui hliam vang bawkin a chawl a ni.