Champions League last 16 khel tur City

Manchester City chuan harsatna nei loin Olympiakos chu 1-0 in an hneh a, match hnih khelh tur la nei chungin Champions League last 16 an lut. 

City tan hian kum 20 mi Phil Foden chuan Raheem Sterling-a ball pek ṭha tak chu goal-ah a chantir a, Greek club-in a chhanletna tur an nei lo. 

English club-in inkhel an thunun tluan chhuak zak a, Olympiakos-in minute 88 chhungin shot an nei lo a ni mai lo a, City penalty area-ah ball khawih an nei miah lo - heti chung hian Pep Guardiola nauten goal khung an harsat tlat. 

Pep chuan, "Goal tam zawk chu kan la khung em em ang. Keini pawhin goal khung tam hi chu kan duh - engtikah emaw chuan a lo la thleng ang a, kan hmaa awm zawng zawng chu kan nawp vek mai ang," a ti!

Group C inkhel dangah FC Porto chuan 2-0 in Marseille an hneh a, match li aṭanga point kua an neih avangin last 16 lut turin an match hnuhnung pahniha point thum an hlawhchhuah chuan a tawk thei ang. 

Marseille khelmuala inkhelah hian mualneitu defender Leonardo Balerdi leh Porto midfielder Marko Grujic-te chu hnawhchhuah an ni a, Portuguese club tan Sérgio Oliveira leh Zaidu Sanusi-ten goal khat ve ve an khung.

French club Marseille hi 1992-93 season a, inelnain Champions League tih hming a chawi hnua European club inelna sang bera match 13 chhung a zawna tlawm hmasa ber an ni.