Pakistan cricketer an positive

New Zealand-a zin mek Pakistan cricket team zinga mi paruk chu Covid-19 an kai tih hmuhchhuah a ni.

Player paruk hi khung hran nghal an ni a, Pakistan team pawh social distancing dan zawm chunga training phal ni vek tawh chu hlihsak leh rih an ni.

Sorkar lam thuneitute chuan Pakistan team zinga mi 53 chu New Zealand an thlen hlimah test nghal vek thu an puang.

New Zealand-ah hian Covid-19 hri kai 2,040 an awm tawh a, mi 25 an thi. Pakistan erawh 356,198 zet hri kai an awm tawhin mi 7,843 an thi.

Pakistan hian New Zealand nen hian Test match vawi hnih leh T20 match thum an khel ang.