Maradona a bang

Argentina legend Diego Maradona chu United Arab Emirates second division club Al Fujairah coach a nihna aṭangin a bang.

Kum 57 mi Maradona hian 2017 May thla aṭangin a hna hi a thawk ṭan a, Zirtawpni khan Khorfakkan nen 1-1 a an inhnehtawk avangin an league-ah a sang pathum zingah an tel phak tawh dawn lo.

FIFA World Cup 1986-a an an ram champion puitu Maradona hian tun hma lamin UAE-ah hian Al-Wasl a enkawl tawh a, 2008-2010 chhung khan an ram team a enkawl tawh bawk - manager a nih hnuah sulhnu lian hnutchhiah erawh a la nei hran lo.

Maradona dan hre mi Matias Morla chuan inhriathiam tawnnain club nen an inṭhen thu a sawi a, “Khorfakkan laka hnehna a chan zawh loh khan division sang zawkah an kai thei dawn lo tih a chiang a, a hna aṭangin a chawl ta bawk,” tiin a sawi.